काठमाडौं । नेपाली कांग्रेसको सोलुखुम्बु जिल्ला सभापतिमा बहालवाला पार्टी सभापति विनोद बस्नेतलाई पराजित गर्दै नाम्गेल जाङ्बु शेर्पा निर्वाचित हुनु भएको छ ।
मंगलबार भएको दोस्रो चरणको निर्वाचनबाट शेर्पा ५१३ मत पाएर सभापतिमा निर्वाचित हुनुभएको हो । उहाँका प्रतिद्वन्द्वी बस्नेतले ३७१ मत ल्याउनुभएको छ ।
शेर्पा संस्थापन समूह निकट हुन् भने बस्नेतलाई केन्द्रीय सदस्य बलबहादुर केसीको समर्थन थियो ।
सभापतिमा निर्वाचित शेर्पा सोलुदूधकुण्ड नगरपालिकाका मेयर पनि हुनुहुन्छ ।
पहिलो चरणमा सभापतिका तीन उम्मेदवार रहेकोमा कसैको पनि बहुमत नआएपछि मंगलबार दोस्रो चरणको मतदान भएको थियो ।
