स्याङ्जा । नेपाली काँग्रेस १४ औ महाधिवेशन अन्तरगत शुक्रबार सम्पन्न भएको निर्वाचन बाट स्याङजाको सभापतिमा राजु थापा निर्वाचित हुनु भएको छ ।
संविधानसभा सदस्य थापा र गण्डकी प्रदेश नेपाली कांग्रेस सचेतक एवं सांसद मल्लबीच सभापतिका लागि निकै कडा प्रतिस्पर्धा देखिएको थियोे । भर्खरै सम्पन्न भएको मतगणनामा थापाले १११७ मत ल्याई निर्वाचित हुनु भएको हो ।
उहाँका प्रतिस्पर्धी भागवत प्रकाश मल्लले १०८५ मत ल्याउनु भएको छ । उहाँहरुको जम्मा मतान्तर ३२ रहेको छ । स्याङजामा २२५७ मतदाता रहेकामा शुक्रवार भएको मतदानमा दुई हजार दुई सय १८ मत खसेको थियो। राजु थापा संविधान सभा सदस्य हुन् भने भागभत मल्ल स्याङ्जा–२ को ‘ख’ बाट प्रदेश सभामा निर्वाचित सांसद हुनुहुन्छ ।
त्यस्तै उपसभापतिमा केदार काफ्ले १३७० मत र शेर बहादुर थापा ८९३ मत ल्याई बिजयी भएकाछन् । त्यस्तै सचिवमा गुरु प्रसाद भट्टराई १२९२ र दामोदर लम्साल ९३४ मत ल्याइ बिजयी भएका छन् । त्यस्तै सहसचिवमा ध्रुवबन्धु पौडेल ११५८ मत र पृथ्वी प्रसाद पोख्रेल ९३९ मत ल्याई निर्वाचित भएका छन् ।
