काठमाडौ । संयुक्त ट्रेड युनियन समन्वय केन्द्र (जिटियुसिसि) ले श्रम मन्त्री र उद्योग वाणिज्य महासङ्घ पदाधिकारीलाई श्रमिकको पारिश्रमिक तत्काल वृद्धि हुनु पर्ने माग राख्दै ज्ञापनपत्र बुझाएका छन् ।
मंगलबार केन्द्रका अध्यक्ष जगत सिम्खडा, ट्रेड युनियन कांग्रेसका अध्यक्ष पुष्कर आचार्य, जिफन्ट अध्यक्ष विनोद श्रेष्ठ , पेशागत महासङ्घ लगायत दश वटा ट्रेड युनियनका अध्यक्षहरुले श्रम मन्त्रीलाई श्रम सचिव मार्फत र उद्योग वाणिज्य महासङ्घ पदाधिकारीलाई भेटेर ज्ञापनपत्र बुझाएका हुन् ।
ज्ञापनपत्रमा श्रमिकको न्युनतम पारिश्रमिक तत्काल वृद्धि हुनु पर्ने, वृद्धि भएको पारिश्रमिक २०७७ श्रावणदेखि नै लागु हुनु पर्ने, सामाजिक सुरक्षा लागु हुनु पर्ने, श्रम ऎनको दफा १४५ ले श्रमिकलाई दुःख दिएकोले खारेज हुनु पर्ने र जेटियुसिसि एवं महासङ्घबिच भएको लकडाउन अवधिको पारिश्रमिक सम्बन्धि सम्झौता कार्यान्वयन हुनु पर्ने र नभए आन्दोलनमा जाने उल्लेख गरेका छन् ।
