काठमाडौं,/ प्रधानमन्त्री केपी ओलीले कोरोना भाइरसविरुद्धको खोप लगाउनु भएको छ ।
आइतबार बिहान त्रिभुवन विश्वविद्याय शिक्षण अस्पताल, महाराजगञ्ज पुगेर प्रधानमन्त्री ओलीले कोभिड–१९ विरुद्धको खोप लगाउनुभएको हो ।
दोस्रो चरणको खोप कार्यक्रम शुरु गर्दै प्रधानमन्त्री ओलीले खोप लगाउनुभएको हो । उहाँको साथमा उहाँकी श्रीमती राधिका शाक्यले पनि खोप लगाउनुभएको छ ।
प्रधानमन्त्री ओलीले खोप लगाएपछि दोस्रो चरणको खोप अभियान पनि औपचारिक रुपमा सुरु भएको छ ।
प्रधानमन्त्रीसँग शिक्षण अस्पतालमा अर्थमन्त्री विष्णु पौडेल, परराष्ट्रमन्त्री प्रदीप ज्ञवाली, स्वास्थ्यमन्त्री हृदयस त्रिपाठी, गृहमन्त्री रामबहादुर थापा लगायतले पनि कोरोनाविरुद्धको खोप लगाउनुभएको छ ।
गृहमन्त्री थापाले भने बलम्बुस्थित सशस्त्र प्रहरी अस्पतालमा पुगेर कोरोनाविरुद्धको कोभिशिल्ड लगाउनुभएको हो ।
दोस्रो चरणको खोप अभियानअन्तर्गत देशभरका १५ हिमाली जिल्लामा ५५ वर्षमाथिकालाई र अरु जिल्लामा ६५ वर्षमाथिकालाई खोप लगाइँदैछ ।
यसपटक करिब १६ लाखले खोप लगाउने स्वास्थ्य मन्त्रालयको अनुमान छ ।
