संसद विघटनविरुद्ध जनमत रहेको तर, आन्दोलनको स्वीच दबाउने काम युवा विद्यार्थीहरुको भएको बताए । आन्दोलनको अग्रपंक्तिमा आफूसहितका नेताहरु रहने भन्दै प्रचण्डले भने, ‘टाउको चिलाएको हो कि के हो, एक पटक लाठी खान मन छ ।’
आन्दोलनकारीको रक्षाका लागि आफ्नो टाउको फुटाउन तयार रहेको, तर प्रतिगमनलाई कुनै हालतमा सफल हुन नदिने उनले बताए । नेपाललाई प्रतिगमनतिर लगेर फइदा उठाउने कुनै शक्तिले सोचेको छ भने त्योे भ्रम हो’ उनले भने ।
अनुहार नै चिन्न छाडेँ
प्रचण्डले मन्त्रीको लोभमा ओली समूहमा लागेकाहरुको अनुहार नै चिन्न छाडेको प्रतिक्रिया दिए ।
एक जना कार्यकर्ता नभएकालाई पार्टीमा ल्याएर स्थायी कमिटीमा लगेको तर, मन्त्री हुन दौडिएको उनले बताए । ‘ती जोगीहरु देखेर मलाई त लाज लागेको छ’ उनले भने, ‘यति धेरै खरानी खसेका छन् कि मैले त अनुहार नै चिन्न छाडेको छु ।’
ओलीलाई चिन्न किन ढिलो गरियो ?
उनले केपी शर्मा ओलीलाई चिन्न किन ढिलो गरिएछ भनेर आफैंलाई समेत प्रश्न गरेका छन् ।
ओली प्रधानमन्त्रीका पदका लागि जे पनि गर्न तयार भएको, तर पदका लागि भनेर आफूहरुलाई आरोपित गर्ने गरेको उनले बताए । पार्टी एकता गर्दा भएको सहमति कार्यान्वयनमा उदारता देखाउनु आफ्नो कमजोरी प्रचण्डले सुनाए ।
संविधान बनाउने क्रममा समानुपातिक समावेशी लगायत परिवर्तनका एजेण्डाको विरोध गरेका ओलीलाई आफैंले ‘कमरेड संविधान बनाऊँ, म तपाईंलाई प्रधानमन्त्री बनाउन प्रस्ताव गर्छु’ भनेर पनि खुरुखुरु तयार भएको उनले सुनाए ।
तत्कालीन एमालेको बैठकमा आफ्नो धुँवाधार गाली गरेको दुई दिनपछि आफूले पार्टी एकताको प्रस्ताव गरेको भन्दै उनले भने, ‘प्रधानमन्त्री फेरि तपाईंलाई नै बनाउँछु नि भनेपछि हुन्छ कमरेड, म सकारात्मक रुपले सोच्छु भन्नुभयो ।
