सिन्धुली २२, पुष । उपप्रधानमन्त्री ईश्वर पोखरेलले वैशाख १७ र २७ गते प्रतिनिधी सभाको निर्वाचन भएरै छाड्ने दाबी गर्नुभएकाे छ । बुधवार सिन्धुलीमाढीमा प्रधानमन्त्री तथा नेकपा अध्यक्ष केपी शर्मा ओली समुहका कार्यकर्ता भेटघाटका क्रममा उहाँले उक्ता दाबी गर्नुभएकाे हाे ।
‘प्रधानमन्त्रीको जनतासामु जान ताजा जनादेशसँगै वैशाख १७ र २७ गते प्रतिनिधी सभाको निर्वानका लागि देशका चारवटै सुरक्षानिकाय र निर्वाचन आयोगसँग छलफल गरि उहाँहरु तोकीएकै समयमा निर्वाचन सम्पन्न गर्ने तयारीमा लाग्नु भएको छ’, पोखरेलले भन्नुभयाे ।
कार्यकर्ता भेटघाटमा संसद विघटनमा सर्वाेच्चले सदर गर्ने विश्वास व्यक्त गर्नुहुँदै नेपाल कम्युनिष्ट पार्टी(नेकपा) अझै औपचारिक रुपमा विभाजन नभएपनि विभाजनको संघारमा भने पुगिसकेको उहाँकाे भनाइ छ । उहाँले भन्नुभयाे, ‘विभाजन भइहाले पनि नेपाल कम्युनिष्ट पार्टी (नेकपा) संस्थापन केपी शर्मा ओलीको पक्ष हो, त्यसैले जहाँ केपी शर्मा ओली त्यहाँ नेकपा र सुर्य चिन्ह हुनेछ ।’
उपप्रधानमन्त्री पोखरेललाई भेट्न जिल्लाका तत्कालिन एमालेका नेता तथा कार्यकर्ता लगाएत तत्कालिन माओवादीका पूर्वसांसद् विषमलाल अधिकारी
दनुवार, शान्तिमान कार्की, डम्वर कार्की लगाएत पुगेका थिए ।
