काठमाडौं । बालाजुमा कपडा काट्ने कैंचीले घोपेर एक जनाको हत्या गरिएको छ । गएराति बालाजु बाइपासको न्यु टप टेलर्समा काम गर्ने कलाम मियाँ र सुबोध शर्माबीच झगडा हुँदा मियाँले शर्मालाई कैँचीले घोचेका थिए ।
पेटमा कैंचीले घोचेर घाइते बनाइएका मियाँलाई उपचारका लागि त्रिवि शिक्षण अस्पताल लगिएको थियो । उनको अस्पतालमै उपचारको क्रममा मृत्यु भएको हो । हत्यामा संलग्न भारतका सुबोध शर्मा टेलर्स सञ्चालकका जेठा छोरा भएको प्रहरीको भनाइ छ । उनलाई प्रहरीले बुधबार बिहान फर्पिङ्गबाट पक्राउ गरेको छ ।
हत्या अभियोगमा पक्राउ परेका शर्माका अनुसार झगडा हुँदा मियाँले रडले हान्न खोजेपछि आफूले आफ्नो बचाउको लागि प्रतिकार गर्दा घटना भएको बयान दिएका छन् । स्थानीयका अनुसार रातको १० बजे रगताम्य अवस्थाका मियाँलाई उपचारका लागि शर्माासहितका दुई जनाले अस्पताल लगेका थिए ।
शर्माले पहिला देखिकै रिसीइवीका कारण मियाँमाथि आक्रमण गरेको हुन सक्ने प्रहरीको अनुमान छ । हत्या अभियोगमा पक्राउ परेका शर्मालाई आवश्यक अनुसन्धानको लागि महानगरीय प्रहरी वृत्त बालाजुमा राखिएको छ ।
