पहिरोले मृत्यु हुनेको संख्या १३ पुग्यो, १८ अझै बेपत्ता

जन न्युज नेपाल खवर प्रतिनिधि 
सिन्धुपाल्चोक जिल्लाको बाह्रबिसे नगरपालिका – ७ स्थित घुम्थाङको भीरखर्क र नागपूजेमा शनिवार मध्यराति आएको पहिरोबाट ३० घर पूर्ण रुपमा क्षति पुगेको छ , भने ६० घर अझै जोखिममा परेका छन् । पहिरोमा परी ९ जना घाइते भएका छन् ।
नागपूजेकै आसपासमा विस्थापितका लागि २० वटा टेन्ट बनाइएको छ । पहिरोमा परी नागपूजे र भीरखर्कका १ सय ६२ घर परिवार प्रभावित भएको बाह्रबिसे नगरपालिकाले जनाएको छ ।
पहिरोमा मृत्यु भएका परिवारलाई सहयोग स्वरुप एक लाख सहयोग गर्ने र घाइतेहरुको सम्पूर्ण उपचार खर्च समेत नगरपालिकाले ब्यहोर्ने भएको छ । भने अहिले सम्म मृत्यु हुनेको संख्या १३ पुगेको छ । भने १८ जना अझै बेपत्ता छन् ।