काठमाडौं । भारी वर्षासँगै धादिङ र मकवानपुरसहित देशका ४८जिल्लामा बिहीबार आकस्मिक बाढीको जोखिमको पूर्वानुमान गरिएकाे छ।
बाढी पूर्वानुमान महाशाखाले कतिपय साना-ठूला नदीमा पानीको बहाव उल्लेख्य रुपमा बढ्ने सम्भावना रहेको जनाएको हाे। रसुवा र नुवाकोट भई बहने भोटेकोशी, त्रिशूली तथा ससाना खोलामा बहाव उल्लेख्य बढ्ने पूर्वानुमान गरिएकाे छ। साेही जिल्लामा आकस्मिक बाढीको उच्च सम्भावना रहेको महाशाखाले जनाएको हाे। रसुवा बाढीपश्चात हाल भोटेकोशी र त्रिशूली नदीको बहाव शतर्कता तह भन्दा तल रहेता पनि उच्च शतर्कता अपनाउनुपर्ने देखिएकाे छ।
महाशाखाले बिहीबार ताप्लेजुङ, पाँचथर, तेह्रथुम, संखुवासभा, धनकुटा, भोजपुर, सोलुखुम्बु, ओखलढुंगा, खोटाङ, उदयपुर, दोलखा, रामेछाप, सिन्धुली, सिन्धुपाल्चोक, काभ्रेपलाञ्चोक, ललितपुर, भक्तपुर, काठमाडौं, धादिङ, मकवानपुर, चितवन, गोरखा, तनहुँ, लमजुङ, मनाङ, मुस्ताङ, म्याग्दी, कास्की, स्याङ्जा, पर्वत, डोल्पा, रुकुम पूर्व, रुकुम पश्चिम, सल्यान, जाजरकोट, सुर्खेत, दैलेख, कालीकोट, मुगु, हुम्ला, जुम्ला, अछाम, बझाङ, बाजुरा, डडेलधुरा, बैतडी, दार्चुला र कञ्चनपुर आसपासका जिल्ला भई बहने स–साना नदीमा पनि बहाव उल्लेख्य बढ्ने पूर्वानुमान गरेकाे हाे।
महाशाखाले यी जिल्लामा आकस्मिक बाढीको मध्यम जोखिमको सम्भावना रहेको जनाएको छ। सप्तकोशी, नारायणी, कर्णाली र महाकाली लगायत ठूला नदीमा पनि बहाव उल्लेख्य बढ्ने महाशाखाको पूर्वानुमान छ ।
