काठमाडाैं । राष्ट्रिय स्वतन्त्र पार्टी (रास्वपा) की सांसद रचना खतिवडा खत्रीले आगामी भदौ २३ गते ‘जेनजी’ विद्राेहको एक वर्ष पूरा हुन लागेको अवसरमा प्रधानमन्त्रीले देशवासीका नाममा सम्बोधन गर्नुपर्ने माग गर्नुभएको छ।
प्रतिनिधि सभाको बैठकमा शून्य समयमा बोल्दै सांसद खत्रीले उक्त विद्राेहमार्फत युवाहरूले भ्रष्टाचारको अन्त्य, सुशासन र सुरक्षित भविष्यका लागि दिएको बलिदानको स्मरण गराउनुभएकाे हाे । उहाँले सोही दिन प्रधानमन्त्री बालेन्द्र शाहले शहीदहरूको सम्मानमा विशेष सम्बोधन गर्ने अपेक्षा राखेको बताउनुभयो । सांसद खत्रीले विद्राेहका कति मागहरू पूरा भए, घाइतेहरूको अवस्था कस्तो छ र भ्रष्टाचारीहरूमाथि कारबाहीको प्रक्रिया कहाँ पुग्यो भन्ने विषयमा सरकारले स्पष्ट पार्नुपर्ने बताउनुभएकाे छ।
वर्तमान सरकार भदौ २३ को बलिदानकै जगमा बनेको बताउदै उहाँले उक्त दिन प्रधानमन्त्री शाहले देशव्यापी रूपमा शहीदहरूको नाममा सम्बोधन गर्दै जनतालाई स्पष्ट जवाफ दिनुपर्नेमा जोड दिनुभयो।
