काठमाडाैं । श्रम संस्कृति पार्टीका अध्यक्ष हर्कराज राईले प्रधानमन्त्री बालेनद्र शाहको नेपालले पनि भारतको सीमा मिचेको छ भन्ने अभिव्यक्ति संसद्को रेकर्डबाट हटाउन माग गर्नुभएको छ ।

प्रतिनिधिसभाको बैठकमा बोल्दै अध्यक्ष राईले राष्ट्रिय अखण्डताको रक्षाका लागि प्रधानमन्त्रीले आफ्नो भनाइ सच्याउनुपर्नेमा जोड दिनुभएकाे हाे । सीमा क्षेत्रमा हुने डुबान, भूमिहीनका समस्या र माईतीघरमा जारी आन्दोलनका विषयमा सरकारको गम्भीर ध्यानाकर्षण गराउनुभयो । रौतहटको गौर नजिकै भारतले लाल बकैया र बागमती नदीमा उच्च बाँध निर्माण गरेका कारण नेपाली भू-भाग डुबानमा पर्ने गरेको रिपोर्टिङ आएको समेत बताउनुभएकाे छ।.

अध्यक्ष राईले माइतीघर मण्डलामा विभिन्न माग राखेर लामो समयदेखि धर्नामा बसेका नागरिकहरूको मुद्दा सम्बोधन गर्न गृहमन्त्रीसँग आग्रह गर्नुभयो । उहाँले सरकारले आन्दोलनकारीका मागप्रति चासो देखाई तत्काल न्याय दिनुपर्ने माग गर्नुभयो । सम्बोधनको अन्त्यमा सांसद राईले प्रधानमन्त्री शाहले संसद्मा उपस्थित भई आफ्नो अभिव्यक्ति सच्याउने र जनसरोकारका यी मुद्दाहरूमा सरकारले ठोस कदम चाल्ने विश्वास व्यक्त गर्नुभएकाे छ ।