काठमाडौं । कालीमाटी फलफूल तथा तरकारी बजार विकास समिति ले आइतबारका लागि तरकारी तथा फलफूलको थोक मूल्य सार्वजनिक गरेको छ । समितिका अनुसार अधिकांश तरकारी तथा फलफूलको मूल्यमा सामान्य उतारचढाव देखिएको छ ।

आज गोलभेँडा ठूलो (भारतीय) प्रतिकिलो ९० रुपैयाँ, गोलभेँडा सानो (लोकल) ६५ रुपैयाँ, गोलभेँडा सानो (टनेल) ७८ रुपैयाँ तथा गोलभेँडा सानो (तराई) ६० रुपैयाँ कायम भएको छ ।

आलु रातो (लाम्चो) प्रतिकिलो २८ रुपैयाँ, आलु रातो (गोलो) २३ रुपैयाँ, आलु रातो (भारतीय) २७ रुपैयाँ तथा प्याज सुकेको (भारतीय) ३८ रुपैयाँ निर्धारण गरिएको छ ।

त्यस्तै, गाजर (लोकल) ६० रुपैयाँ, बन्दा ४० रुपैयाँ, काउली ६० रुपैयाँ, सेतो मूला २० रुपैयाँ, भन्टा लाम्चो ६० रुपैयाँ र भन्टा डल्लो ७० रुपैयाँ प्रतिकिलो कायम गरिएको समितिले जनाएको छ ।

हरियो सागसब्जीतर्फ रायो साग प्रतिकिलो १०० रुपैयाँ, पालुङ्गो साग १२० रुपैयाँ, चमसूरको साग १४० रुपैयाँ र प्याज हरियो १५० रुपैयाँसम्म पुगेको छ ।

फलफूलतर्फ स्याउ (फूजी) प्रतिकिलो ३०० रुपैयाँ, स्याउ (झोले) २५० रुपैयाँ, केरा (मालभोग) प्रतिदर्जन २२० रुपैयाँ, अनार प्रतिकिलो ५०० रुपैयाँ, अंगुर (कालो) ४५० रुपैयाँ र कागती २८० रुपैयाँसम्म कायम भएको छ ।

यस्तै, हरियो खुर्सानी (अकबरे) प्रतिकिलो ५०० रुपैयाँ, सिताके च्याउ १ हजार रुपैयाँ, आभोकाडो ८०० रुपैयाँ तथा सुकेको माछा प्रतिकिलो १ हजार रुपैयाँसम्म निर्धारण गरिएको समितिले जनाएको छ ।

समितिले दैनिक रूपमा कृषि उपजको न्यूनतम, अधिकतम र औसत थोक मूल्य निर्धारण गर्दै आएको छ ।

कृषिउपजको अधिकतम थोक मूल्य निर्धारण: