काठमाडौं । एक महिना लामो उपासना, रोजा र आत्मसंयम पछि मुस्लिम समुदायले आज देशभरि इद उल फित्र हर्षोल्लासका साथ मनाएको छ। हिजरी पात्रोको नवौँ महिनामा निराहार व्रत बसेका इस्लाम धर्मावलम्बीहरूले बिहानै सामूहिक नमाज पढेर एक-अर्कासँग खुसी साटासाट गरे।
काठमाडौंको घण्टाघरस्थित पञ्च काश्मिरी तकिया मस्जिद मा बिहानैदेखि भक्तजनको विशेष चहलपहल देखियो। नयाँ र सफा वस्त्रमा सजिएका स-साना बालबालिकादेखि वृद्धवृद्धासम्मको उपस्थितिले मस्जिदको दृश्य अत्यन्तै मनमोहक बनाएको थियो।
दान, परोपकार र मानव सेवा प्रवर्द्धन गर्ने पर्वको रूपमा, प्रत्येक मुस्लिम परिवारले आफ्नो आम्दानीको निश्चित हिस्सा ‘जकात’ र ‘फितर’ का रूपमा गरिब र असहायलाई वितरण गर्छ। काश्मिरी मस्जिदमा पनि आज दान दिने र आशीर्वाद लिन आउनेहरूको भिडले इस्लाम धर्मको सेवा भाव झल्काएको थियो।
नमाज सकिएलगत्तै भक्तजनहरूले एक-अर्कालाई अङ्कमाल गर्दै ‘इद मुवारक’ भन्दै शुभकामना साटासाट गरे। घरमा तयार गरिएका सेवाई र खजुरजस्ता मीठा परिकार खुवाएर पर्व मनाइन्छ। यस उत्सव तीन दिनसम्म चल्ने र नेपाल सरकारले सार्वजनिक बिदा दिएको अवसरमा काठमाडौं मात्र नभई देशभरका इदगाहहरू र मस्जिदहरूमा खुसीको रङ्ग फैलिएको छ।
इस पर्वले धार्मिक सहिष्णुता, सामाजिक सद्भाव र दान–सेवा भावको महत्त्वलाई उजागर गरेको छ।
