काठमाडाैं । कास्कीमा प्रतिनिधिसभा सदस्य निर्वाचनमा प्रत्यक्ष तर्फ विजयी एवम् समानुपातिकतर्फ पहिलो बनेको राष्ट्रिय स्वतन्त्र पार्टी (रास्वपा)का उम्मेदवार भन्दा दललाई बढी प्राप्त भएको छ ।
कास्कीका तीन वटै क्षेत्रमा यो दलका प्रत्यक्षतर्फका उम्मेदवारले पाएको मत एक लाख नौ हजार ५ सय ४४ मत रहेकामा समानुपातिकतर्फ भने दलले एक लाख १३ हजार ६ सय २८ मत प्राप्त गरेको हाे । दलका उम्मेदवार भन्दा दलले जिल्लामा चार हजार ८४ मत बढी पाएको छ । जिल्लामा नेपाली कांग्रेस र नेकपा एमालेमा भने दलले भन्दा उम्मेदवारले पाएको मत बढी छ ।
कांग्रेसले समानुपातिकतर्फ दलले २८ हजार ६ सय ५६ मत पाएकोमा उम्मेदवारले पाएको मत ३० हजार ४ सय ९४ मत रहेका हाे। नेकपा एमालेले समानुपातिकतर्फ दलले पाएको मत २४ हजार १ सय ९९ रहेकोमा प्रत्यक्षतर्फ उम्मेदवारले पाएको मत २५ हजार ८ सय २८ रहेकाे छ। त्यस्तै, राष्ट्रिय प्रजातन्त्र पार्टी र नेपाली कम्युनिष्ट पार्टीमा उम्मेदवारले भन्दा दलले बढी मत पाएका छन् । राष्ट्रिय प्रजातन्त्र पार्टीले प्रत्यक्षतर्फ उम्मेदवारले पाएको मत चार हजार २७ रहँदा समानुपातिकतर्फ दलले पाएको मत ६ हजार ४ सय ६६ रहेको हाे ।
नेपाली कम्युनिष्ट पार्टीले प्रत्यक्षतर्फ उम्मेदवारले पाएको मत पाँच हजार २ सय ११ हुँदा समानुपातिकतर्फ दलले पाएको मत पाँच हजार ७ सय ६३ रहेको निर्वाचन कार्यालयले जनाएको छ ।
