बारा, सिमरामा हत्या गरिएकी तीन वर्षीया बालिका गरिमा चौधरीका आमाबुवालाई गृहमन्त्री सुधन गुरुङसँग छलफलका लागि काठमाडौं ल्याइएको छ।
शनिबार अपराह्न सिमरा विमानस्थलबाट गरिमाका बुवा मनोज चौधरी र आमा मानमती चौधरीलाई स्थानीय अभियन्तासहित काठमाडौं ल्याइएको हो। गृहमन्त्रीको सचिवालयका अनुसार गृह मन्त्रालयमा गृहमन्त्री गुरुङसहितको उपस्थितिमा गरिमाको हत्या घटनाबारे केहीबेरमा छलफल हुने भएको छ।
काठमाडौं प्रस्थान गर्नुअघि गरिमाका बुवा मनोज चौधरीले स्थानीयवासीलाई छोरीको न्यायका लागि जारी आन्दोलनलाई निरन्तरता दिन आग्रह गरेका थिए।
परिवारले गरिमाको हत्यामा संलग्नलाई कानुनी कारबाही र न्यायको माग गर्दै आएको छ। गृह मन्त्रालयमा हुने छलफलमा घटनाको अनुसन्धान, दोषीमाथिको कारबाही तथा पीडित परिवारले उठाउँदै आएका मागबारे कुराकानी हुने अपेक्षा गरिएको छ।
