काठमाडाैं । नेकपा (एमाले)का सांसद यज्ञबहादुर बोगटीले जंगली जनावरको आतंक नियन्त्रण गर्न सरकार गम्भीर नबनेको आरोप लगाउनुभएको छ ।
प्रतिनिधि सभाको बुधवारको बैठकमा बोल्दै उहाँले यस्तो आरोप लगाउनुभएको हो । उहाँले अछाममा जंगली बँदेलको आक्रमणमा परि पटक–पटक नागरिक घाइते भइरहेकाच घटनाबारे सरकारको ध्यानाकर्षण गराउँदा पनि सरकार गम्भीर नबनेको बताउनु भयो ।
जंगली बँदेलले किसानको बालीनालीमा क्षति पु¥याउने मात्र नभई मानिसको ज्यान लिनेसम्मका घटना भइरहेकाले तत्काल रोकथामका उपाय अपनाउन सरकारको ध्यानाकर्षण गराउनु भयो । सांसद बोगटीले बुधवार बिहान मात्रै बँदेलको आक्रमणमा परी अछाममा थप पाँच जना घाइते भएको समेत उल्लेख गर्नुभयो । बाँदर र बँदेलले खेतीबाली नष्ट गरिदिँदा किसानहरु हैरान भएको तथा विस्थापित हुनुपर्ने अवस्था आएको उहाँको भनाइ छ ।
उहाँले भन्नुभयो, ‘यो सदनमा हामीले जंगली जनावरहरुले किसानको खेती नष्ट गरेर हैरान बनाएको कुरा उठाइरहेका छौँ । तर पनि यस विषयमा सरकार गम्भीर बनेको छैन । आज त ती जंगली जनावरले बालिनालीमात्र होइन मान्छेको ज्यान लिनेसम्मका घटना भइरहेका छन् ।
यसको रोकथामको निम्ति म सरकारको गम्भीर ध्यानाकर्षण गराउन चाहान्छु ।’ उहाँले जंगली जनावरको आतंक नियन्त्रको लागि तत्काल काममा जुट्न समेत सरकारलाई आग्रह गर्नुभयो ।
