काठमाडाैं । फिफा विश्वकप फुटबलको विश्वकप फुटबलकाे नकआउटमा शुक्रबार राति अस्ट्रेलिया र इजिप्टबीच प्रतिस्पर्धा हुने भएकाे छ ।
अमेरिकाको डालास रङ्गशालामा शुक्रबार राति पौने १२ बजेदेखि अस्ट्रेलिया र इजिप्टबीच प्रतिस्पर्धा हुने भएकाे हाे। अस्ट्रेलिया समूह ‘डी’ को उपविजेता र इजिप्ट समूह ‘जी’ को उपविजेताका रूपमा नकआउटमा पुगेका हुन् । विश्वकपमा अस्ट्रेलिया र इजिप्टबीच पहिलो पटक प्रतिस्पर्धा हुन लागेको छ। यसअघि अस्ट्रेलिया र इजिप्टबीच २ पटक भेट भएकाेमा दुवै टाेलीले १-१ खेल जितेका छन् ।
त्यस्तै, नकआउट चरणमा शनिबार बिहान साविक विजेता अर्जेन्टिना र केब भर्डेबीच प्रतिस्पर्धा हुने भएकाे हाे। अमेरिकाको मियामी रङ्गशालामा शनिबार बिहान पौने ४ बजेदेखि अर्जेन्टिना र केब भर्डेबीच प्रतिस्पर्धा हुने भएकाे छ । अर्जेन्टिना समूह ‘जे’ को विजेता र केब भर्डे समूह ‘एच’ को उपविजेताका रूपमा नकआउटमा पुगेका हुन् । फुटबल इतिहासमा यी दुई टोलीबीच पहिलो पटक प्रतिस्पर्धा हुन लागेको छ ।
पहिलाे पटक विश्वकप खेलिरहेकाे केब भर्डे समूह चरणको पहिलाे खेलमै स्पेनलाई बराबरीमा रोकेर चर्चामा आएको टोली हो । स्पेनका खेलाडीले प्रहार गरेका २७ मध्ये ७ वटा गोलपोस्टभित्र थिए । तर केब भर्डेका गाेलकिपर भोजिन्हाले उत्कृष्ट बचाउ गर्दै सन् २०१० को विजेता स्पेनलाई बराबरीमा रोकेका थिए ।
याे विश्वकपमा अर्जेन्टिनाका लियाेनल मेसीले ६ गाेल गरिसकेका छन् । केब भर्डेका लागि मेसीलाई राेक्नु ठूलाे चुनाैती हुने भएकाे हाे। याे विश्वकपमा ४ वटा टाेली नयाँ थिए । केब भर्डे नकआउटमा पुग्दा कुरासाओ, जाेर्डन र उज्वेकिस्तान भने समूह चरणबाटै बाहिरिएका छन् ।
त्यस्तै, विश्वकप फुटबलको नकआउटमा शनिबार बिहान कोलम्बिया र घानाबीच पनि प्रतिस्पर्धा हुने भएकाे हाे । यो खेल अमेरिकाको कन्सास सिटी रङ्गशालामा शनिबार बिहान सवाँ ७ बजेदेखि कोलम्बिया र घानाबीच तिस्पर्धा हुने भएकाे छ।
