काठमाडाैं । फिफा विश्वकप फुटबल २०२६ को आयोजक राष्ट्र अमेरिकाले बोस्निया एण्ड हर्जगोभिनालाई पराजित गर्दै प्रि–क्वाटरफाइनलमा स्थान सुरक्षित गरेको छ।
एरिया स्टेडियममा बिहीबार बिहान सम्पन्न भएकाे खेलमा अमेरिकाले बोस्निया एण्ड हर्जगोभिनालाई २-० गाेलले पराजित गरेकाे हाे । अमेरिकाका फोलारिन बलोगुनले ४४औँ मिनेटमा गोल गर्दै टोलीलाई अग्रता दिलाएका थिए । त्यसअघि उनले ३१औँ मिनेटमा गरेको गोल अफसाइड ठहरिएपछि मान्यता पाएको थिएन । खेलको ६४औँ मिनेटमा गोलकर्ता बलोगुनले रातो कार्ड पाएपछि मैदानबाट बाहिरिनुपरेको थियो। त्यससँगै अमेरिका बाँकी समय १० खेलाडीमा सीमित भएर खेलेको थियो।
त्यस्तै, ७९औँ मिनेटमा क्रिस्टियन पुलिसिकले बल पोस्टमा छिराए पनि अफसाइडका कारण गोलले मान्यता पाएन । त्यसपछि ८१औँ मिनेटमा मलिक टिलम्यानले गोल गर्दै अमेरिकाको अग्रता दोब्बर बनाएका थिए । १० खेलाडीमा रहेर पनि अमेरिका २–० को जित निकाल्न सफल भयो।
अब अमेरिकाले प्रि–क्वाटरफाइनलमा बेल्जियमसँग प्रतिस्पर्धा गर्ने भएकाे छ । यस अघि बिहीबार बिहानै भएकाे अर्काे बेल्जियमले सेनेगलसँगको खेलमा पुनरागमन जित निकाल्दै अन्तिम १६ मा स्थान बनाएको हाे।
