काठमाडाैं । अन्तर्राष्ट्रिय मैत्रीपूर्ण फुटबल खेलमा ब्राजिलले पानामालाई ६-२ गाेल अन्तरले पराजित गरेको छ।
विश्वकप फुटबलको लागि अभ्यास स्वरुप साेमबार भएको खेलमा ब्राजिलले आधा दर्जन गोल गरेको हो । ब्राजिलको जितमा भिनिसियस जुनियर, कासेमेरो, रायन, लुकास पाक्वेटा, इगोर थियागो र डानिलोले एक/एक गोल गरेका छन्। घरेलु टोलीले पहिलो हाफमा दुई तथा दोस्रो हाफमा चार गोल गरेको थियो ।
पानाको लागि कार्लोस हार्भेले एक गोल गरेका छन्। ब्राजिलकै म्याथ्युस कुन्हाले एक आत्माघाति गोल गरेका थिए । इटालीयन प्रशिक्षक कार्लो एन्सोलोटीको प्रशिक्षणमा ब्राजिल छैठाै पटक विश्वकप फुटबलको उपाधि जित्ने सपना बुनिरहेको छ । ब्राजिलले फिफा विश्वकप २०२६ मा पहिलो खेल मोरक्कोसँग यहि जुन १४ तारिखमा खेल्ने भएकाे हाे ।
त्यसपछि ब्राजिलले हाइटी र स्कटल्यान्डसँग खेल्ने कार्यतालिका रहेकाे छ ।
