काठमाडौँ । स्थानीय बजारमा आज सुनचाँदीको मूल्य उल्लेख्य रूपमा बढेको छ । सुनको मूल्य प्रतितोला रु पाँच हजार ६०० ले वृद्धि हुँदा चाँदी पनि रु १७५ ले महँगिएको हो ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु दुई लाख ९० हजार ६०० कायम भएको छ । त्यसैगरी चाँदीको मूल्य प्रतितोला रु पाँच हजार ४० पुगेको महासङ्घले जनाएको छ ।

हिजो बिहीबार छापावाल सुन प्रतितोला रु दुई लाख ८५ हजारमा कारोबार भएको थियो भने चाँदीको मूल्य रु चार हजार ८६५ कायम रहेको थियो । त्यस्तै, गत बुधबार सुन प्रतितोला रु दुई लाख ९० हजार ५०० र चाँदी रु पाँच हजार ८० मा कारोबार भएको थियो ।

अन्तरराष्ट्रिय सञ्चारमाध्यमका अनुसार आज विश्व बजारमा एक औँस सुन चार हजार ५०० अमेरिकी डलर तथा चाँदी ७७ अमेरिकी डलरमा कारोबार भइरहेको छ ।