एजेन्सी । मध्य अमेरिकी देश होन्डुरासमा हतियारधारी समूहले दुई छुट्टाछुट्टै स्थानमा एकै दिन २५ जनाको हत्या गरेकाे छ। ।
होण्डुरासको उत्तरी भेगमा पर्ने ट्रुजिलो नगरपालिकामा एउटा फार्ममा हतियारधारी समूहले आक्रमण गरि १९ जनाको हत्या गरेकाे हाे । उक्त क्षेत्रमा कति मजदुर कार्यरत थिए र कति जना मारिए भन्ने स्पष्ट तग्यांक प्रहरीसँग छैन ।
त्यसैगरि दोस्राे हमला ग्वाटेमालाको सीमा नजिक ओमोआ इलाकामा भएको हो । हतियारधारी समुहले प्रहरीको टोलीमाथि लगातार हमला गर्दा एक वरिष्ठ अधिकारीहसहित ६ जना प्रहरी मारिएका छन् ।
ती प्रहरीहरु होण्डुरसमा आपराधिक गिरोह नियन्त्रण गर्न गठन गरिएको विशेष दस्ताका सदस्यहरु थिए । घटना पछि साेही क्षेत्रमा राष्ट्रिय प्रहरी र अर्धसेना परिचालन गरिएको छ ।
