एजेन्सी । अमेरिकाको क्यालिफोर्निया राज्यस्थित सान डिएगो शहरमा रहेको एउटा प्रसिद्ध इस्लामिक सेन्टरमा भीषण गोलीबारी हुँदा कम्तिमा ५ जना मारिएका छन् ।
घटनामा तीन सर्वसाधारण र दुई सन्दिग्ध आक्रमणकारी मारिएको स्थानीय अधिकारीहरूले पुष्टि गरेका हुन् । पुलिसलाई घटनाबारे पहिलो जानकारी प्राप्त भएको थियो । सान डिएगोका पुलिस प्रमुख स्कट वाह्लका अनुसार घटनास्थलमा पुग्दा मस्जिदको अगाडि भागमा तीन जना पीडितहरूको शव फेला परेको हाे । मारिनेमध्ये एक जना उक्त इस्लामिक सेन्टरमा कार्यरत सुरक्षागार्ड रहेको जनाइएकाे छ।
गोलीप्रहारमा संलग्न रहेको आशंका गरिएका १७ र १९ वर्षका दुई युवाहरू घटनास्थल नजिकै पार्क गरिराखेको एउटा गाडीभित्र मृत अवस्थामा फेला परेका छन् । उनीहरूले आफैँलाई गोली हानी आत्महत्या गरेको प्रारम्भिक अनुसन्धानबाट खुलेको हाे । मस्जिदलाई लक्षित गरीएको यो हिंसात्मक घटनालाई पुलिसले धार्मिक वा जातीय द्वेषका कारण गरिने अपराधका रूपमा लिएर अनुसन्धान अघि बढाएको छ ।
प्रत्यक्षदर्शीका अनुसार आक्रमणकारीले करिब ३० राउन्डभन्दा बढी गोली चलाएका थिए ।
