काठमाडौं । दक्षिण भारतीय अभिनेता तथा राजनीतिज्ञ विजयले आइतबार तमिलनाडु राज्यको मुख्यमन्त्रीका रूपमा शपथ लिएका छन् । चेन्नईस्थित जवाहरलाल नेहरू रंगशालामा आयोजित विशेष समारोहबीच उनले पद तथा गोपनीयताको शपथ ग्रहण गरेका हुन् ।
शपथग्रहण समारोहमा विजयका परिवारका सदस्य, विभिन्न राजनीतिक दलका नेता, कलाकार तथा हजारौं समर्थकको उल्लेखनीय उपस्थिति रहेको थियो । यससँगै तमिलनाडुले करिब ६ दशकपछि डीएमके र एआईएडीएमके बाहिरको नयाँ नेतृत्व पाएको छ ।
५१ वर्षीय विजयले स्थापना गरेको तमिलगा वेत्री कझगम (टिभिके) ले छोटो समयमै प्रदेश राजनीतिमा उल्लेखनीय सफलता हासिल गरेको छ । गएको महिना सम्पन्न प्रदेशसभा निर्वाचनमा टिभिकेले २३४ मध्ये १०८ सिट जित्दै शक्तिशाली राजनीतिक उदय गराएको थियो ।
यद्यपि, सरकार गठनका लागि आवश्यक स्पष्ट बहुमत भने पार्टीले प्राप्त गर्न सकेन । बहुमतका लागि आवश्यक ११८ सिटभन्दा १० सिट कम आएपछि विजयले कांग्रेस, भारतीय कम्युनिस्ट पार्टी (सीपीआई) र माक्र्सवादी कम्युनिस्ट पार्टी (सीपीएम) लगायत दलहरूको समर्थन जुटाएका थिए ।
सहयोगी दलहरूको समर्थनपछि विजय नेतृत्वको नयाँ सरकार गठन भएको हो ।
