काठमाडाैं । श्रम संस्कृति पार्टीका अध्यक्ष हर्क साम्पाङ र पूर्वमन्त्री सुदन किरातीबीच एकताको सैद्धान्तिक सहमति भएको छ ।
अध्यक्ष हर्क र सुदनबीच विभिन्न चरणमा भएको छलफलले बहीबार राति एकताको रुप लिएको हो । सहमति अनुसार सुदनलाई पार्टीको वरिष्ठ नेताको जिम्मेवारी दिइने भएकाे छ । एकताकाे बारेमा शुक्रबार दिउँसो ३ बजे बागबजारस्थित हार्दिक होटलमा पत्रकार सम्मेलन गरी जानकारी गराइने सुदनका सहयोगी हेमन्त किरातीले जानकारी दिएका हुन् । उनीहरुबीच वैचारिक र सैद्धान्तिक विषयमा भने छलफल जारी रहेको जनाएकाे छ।
पूर्व माओवादी नेता समेत रहेका किराती नेकपा माओवादी केन्द्र र एकीकृत समाजवादीले पार्टी एकता गरेर नेपाली कम्युनिष्ट पार्टी गठन गरेपछि जनार्दन शर्माको प्रगतिशील लोकतान्त्रिक पार्टी (प्रलोपा)मा प्रवेश गर्नुभएकाे थियाे । गत फागुन २१ गते भएको प्रतिनिधिसभा निर्वाचनपछि उहाँले प्रलोपाको साधारण सदस्यता समेत त्याग्नुभएकाे थियाे।
