काठमाडौँ । मङ्गलबारको तुलनामा स्थानीय बजारमा आज सुनचाँदीको भाउ उल्लेख्य रूपमा बढेको छ । सुन तोलामा रु पाँच हजार ८०० र चाँदी रु १७५ ले वृद्धि भएको हो ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु दुई लाख ९६ हजार ८०० कायम भएको छ भने चाँदी प्रतितोला रु पाँच हजार ५५ मा कारोबार भइरहेको छ ।
हिजो मङ्गलबार छापावाल सुन प्रतितोला रु दुई लाख ९१ हजार र चाँदी रु चार हजार ८८० मा किनबेच भएको थियो ।
अन्तरराष्ट्रिय बजारमा पनि मूल्य बढ्दो क्रममा देखिएको छ । विभिन्न अन्तरराष्ट्रिय सञ्चारमाध्यमका अनुसार आज एक औँस सुन चार हजार ६३० अमेरिकी डलर र चाँदी ७४ अमेरिकी डलरमा कारोबार भइरहेको छ ।