काठमाडौँ । नेकपा एमालेबाट निर्वाचित रौतहट देवाही गोनाही नगरपालिकाका मेयर प्रेमलाल साह कानु आम जनता पार्टी प्रवेश गरेका छन् ।
आम जनता पार्टीका अध्यक्ष प्रभु साहले आइतबार एक कार्यक्रमबीच प्रेमलाललाई पार्टीमा स्वागत गरेका हुन् । उनीसँगै देवाही गोनाही नगरपालिकाका केही वडाध्यक्षसमेत पार्टी प्रवेश गरेका छन् ।
२०७९ सालको स्थानीय तह निर्वाचनमा प्रेमलाल एमालेबाट मेयरमा निर्वाचित भएका थिए ।
उनका अनुसार उनले केही समयअघिदेखि नै पार्टी छाड्ने मनस्थिति बनाइसकेका थिए र उपयुक्त अवसरको प्रतीक्षा गरिरहेका थिए । पछिल्लो निर्वाचन परिणामपछि नेपाल कम्युनिष्ट पार्टी (एमाले)मा बसिरहन उचित नठानेको उनले बताएका छन् ।
