काठमाडौं । राष्ट्रिय स्वतन्त्र पार्टी (रास्वपा)का नेता प्रमोद न्यौपाने ले आफू सरकारका अधिकांश मन्त्रीहरूसँग सामान्य चिनजान मात्र रहेको स्पष्ट पारेका छन् ।
सामाजिक सञ्जालमार्फत सार्वजनिक धारणा राख्दै उनले आफू पार्टीको साधारण सदस्य मात्र भएको र कुनै पनि निर्णय गर्ने अधिकार नभएको बताएका हुन् ।
म सामान्य सुझावकर्ता मात्र’ प्रमोद न्यौपाने ले लेखेका छन्,“अधिकांश मन्त्रीसँग मेरो सामान्य चिनजान बाहेक तपाईंहरूले सोचेको जस्तो घनिष्ठ सम्पर्क र सम्बन्ध छैन । त्यसैले तपाईंहरूको विविध चासो र चिन्ता म श्रवण मात्र गर्न सक्छु ।”
उनले थप्दै भनेका छन्,“म सरकार, मन्त्री, सांसद र पार्टी नेताहरूबाट तपाईंले अपेक्षा गर्नु भएको काम गर्ने र गराउने पहुँच र सामर्थ्य पटक्कै राख्दिनँ ।”
न्यौपानेका अनुसार पछिल्लो समय फोन र म्यासेजको चाप अत्यधिक बढेको छ ।“म्यासेज र फोन यति बढ्यो कि चाहेर पनि सबैको रेस्पोन्स गर्न सकेको छैन,” उनले उल्लेख गरेका छन् ।
उनले जनताका चासो र समस्यालाई आफूले बुझिरहेको बताउँदै आवश्यक परेमा आफैं सम्पर्क गर्ने पनि जनाएका छन् ।
रास्वपाबाट सरकार गठन भएपछि पार्टीसँग जोडिएका व्यक्तिहरूप्रति जनताको अपेक्षा बढिरहेको सन्दर्भमा न्यौपानेको यो अभिव्यक्ति आएको हो ।
समग्रमा, प्रमोद न्यौपाने ले आफूलाई निर्णयकर्ताभन्दा पनि सुझाव दिने भूमिकामा सीमित रहेको स्पष्ट पार्दै अनावश्यक अपेक्षा नराख्न आग्रह गरेका छन् ।
