काठमाडौं । नेपाली कांग्रेसका निवर्तमान सभापति तथा पूर्वप्रधानमन्त्री शेरबहादुर देउवाको निवास नभत्काउन सुरक्षा निकायले निर्देशन दिएको छ ।
आइतबार बिहान नेपाल प्रहरीका एक उच्च अधिकारी देउवा निवास पुगेर स्थलगत अनुगमन गरेका थिए । सो क्रममा उक्त घरसँग सम्बन्धित अनुसन्धान जारी रहेकाले अर्को निर्णय नभएसम्म घर नभत्काउन निर्देशन दिइएको जनाइएको छ ।
सुरक्षा निकायका अधिकारीहरूका अनुसार जनेजी आन्दोलनसँग सम्बन्धित घटनाको छानबिनका क्रममा देउवा निवास पनि अनुसन्धानको दायरामा रहेकाले संरचना यथावत राख्न भनिएको हो ।
गत भदौ २३ र २४ गते भएको जनेजी आन्दोलनका क्रममा देउवाको निवासमा आगजनी भएको थियो । त्यसबेला देउवा दम्पती घरमै रहेका बेला केही प्रदर्शनकारी घरभित्र प्रवेश गरी कुटपिट गर्नुका साथै घरमा आगो लगाएका थिए ।
