काठमाडौं । नेपाली बजारमा सोमबार पनि सुनचाँदीको मूल्य उल्लेखनीय रूपमा घटेको छ।
नेपाल सुनचाँदी व्यवसायी महासंघका अनुसार आइतबार प्रतितोला १२ हजार ५ सय रुपैयाँले घटेको सुन सोमबार थप ६ हजार ५ सय रुपैयाँले घटेको हो। हाल सुन प्रतितोला २ लाख ७५ हजार ५ सय रुपैयाँमा कारोबार भइरहेको छ। आइतबार भने सुन प्रतितोला २ लाख ८२ हजार रुपैयाँमा कारोबार भएको थियो।
चाँदीको मूल्यमा पनि गिरावट आएको छ। आइतबार प्रतितोला ४ हजार ५ सय ४० रुपैयाँमा कारोबार भएको चाँदी सोमबार घटेर ४ हजार ४ सय २५ रुपैयाँमा झरेको छ। यो प्रतितोला १ सय १५ रुपैयाँको गिरावट हो।
महासंघका अनुसार अन्तर्राष्ट्रिय बजारमा भने सुनको मूल्य प्रतिऔंस ४ हजार ३ सय ७४ अमेरिकी डलर आसपासमा कारोबार भइरहेको छ।
