काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति बैठक आइतबार बस्ने भएको छ। बैठक पार्टी केन्द्रीय कार्यालय बनस्थलीमा आज दिउँसो २ बजेका लागि बोलाइएको छ।
बैठकमा प्रतिनिधिसभा सदस्य निर्वाचन २०८२ सम्बन्धमा छलफल हुने पार्टीले जनाएको छ। विशेषगरी पार्टीको तर्फबाट प्रत्यक्षतर्फका उम्मेदवार चयन गर्ने विषयमा केन्द्रित रहेर छलफल हुने र आवश्यक निर्णय लिने तयारी गरिएको पार्टीका एक नेताले जानकारी दिएका छन्।
निर्वाचन आयोगले आगामी माघ ६ गते प्रत्यक्षतर्फको उम्मेदवारी दर्ता गर्ने समय तोकेकाले त्यसअघि नै उम्मेदवार टुंग्याउने दबाबमा राजनीतिक दलहरू रहेका छन्। रास्वपाले पनि सोही तयारीलाई तीव्रता दिएको हो।
