सोलुखुम्बु, असार ६ – सोलुखुम्बुको सल्लेरीबाट काठमाडौँका लागि छुटेको उग्रचण्डी यातायात समितिको यात्रुवाहक बस आज शुक्रबार बिहान साल्मे नजिकै सडकमै पल्टिएको छ।
घटनामा परी २ जना यात्रु घाइते भएका छन्। घाइतेहरूको अवस्था सामान्य रहेको र स्थानीयको सहयोगमा उपचारका लागि नजिकैको स्वास्थ्य संस्थामा लगिएको जिल्ला प्रहरी कार्यालयले जनाएको छ।
बस अनियन्त्रित भई पल्टिएको प्रारम्भिक अनुमान गरिए पनि दुर्घटनाको वास्तविक कारण भने खुल्न बाँकी छ।
प्रहरी टोली हाल घटनास्थलमै रहेको छ भने थप विवरण संकलनको काम भइरहेको छ।
घटनाको विस्तृत विवरण केही समयपछि आउनेछ।
