काठमाडौं । नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ शौचालयमा लडेर घाइते भएका छन् । घटना राति सुत्नुअघि शौचालय जाँदै गर्दा भएको उनका सचिवालयले जनाएको छ ।
घटनापछि तत्कालै अस्पताल लगेर आवश्यक स्वास्थ्य परीक्षण गरिएको थियो । चिकित्सकले अवस्था सामान्य रहेको पुष्टि गरेका छन् । प्रचण्डका प्रेस सल्लाहकार गोविन्द आचार्यका अनुसार स्वास्थ्य परीक्षणपश्चात् उनी घर फर्किसकेका छन् र हाल पुनः नियमित काममा फर्किएका छन् ।
घटना सामान्य भए पनि नेताको स्वास्थ्यप्रति चासो व्यक्त गर्नेहरूमाथि प्रेस सल्लाहकार आचार्यले धन्यवाद व्यक्त गरेका छन् । पार्टी स्रोतका अनुसार चिकित्सकको सुझावअनुसार केही दिन विश्रामसहितको कार्यतालिका अनुसार गतिविधि सञ्चालन हुनेछ ।
