काठमाडौं । नेपाल पत्रकार महासंघले यथास्थितीमा सामाजिक सञ्जालसम्बन्धी विधेयकलाई अघि बढाए आन्दोलनमा उत्रने बताएको छ । माघ २८ र २९ गते धुलिखेलमा बसेको महासंघको केन्द्रीय समितिको दोस्रो पूर्ण बैठकले २३ बुँदे घोषणापत्र जारी गर्दै सो सो कुरा बताएको हो ।
सरकारले हालै राष्ट्रिय सभामा दर्ता गरेको सामाजिक सञ्जाल विधेयकका कतिपय व्यवस्थाहरू प्रेस तथा अभिव्यक्ति स्वतन्त्रता कुण्ठित गर्ने र नागरिकका संवैधानिक हकहरूमा अंकुश लगाउने किसिमका रहेको भन्दै परिमार्जन गर्नुपर्ने उल्लेख गरेको छ ।
महासंघसहित सरोकारवालासंग सामान्य छलफलसमेत नगरी नागरिकका मौलिक हक हनन् हुने गरी ल्याइएको विधेयकलाई अगाडि बढाउनु उपयुक्त नहुने महासंघको भनाई छ ।
‘उक्त विधेयक तत्काल फिर्ता लिई सामाजिक सञ्जाल प्लाटफर्महरूलाई मात्रै नियमन गर्ने गरी सरोकारवालासँग आवश्यक परामर्श गरेर पुनर्लेखन गर्न सरकार, संसद् र राजनीतिक दलहरूसमक्ष माग गर्दछ । अन्यथा प्रेस तथा अभिव्यक्ति स्वतन्त्रता र न्यूमिडियाको प्रभावकारितामा अंकुश लगाउने गरी बन्ने विधेयककाविरुद्ध महासंघ संघर्षमा उत्रिन बाध्य हुनेछ,’ महासचिव रामप्रसाद दाहालद्वारा जारी विज्ञप्तिमा उल्लेख गरिएको छ ।
महासंघद्धारा जारी घोषणापत्र !
