काठमाडौं । राष्ट्रिय स्वतन्त्र पार्टी (रास्वपा)ले बोलाएको केन्द्रीय समितिको बैठक सरेको छ । दिउँसो १ का लागि पार्टी केन्द्रीय कार्यालय चःमतिस्थित पार्टी केन्द्रीय कार्यालयमा बोलाइएको बैठक दिउँसो ३ बजे बस्ने भएको हो ।

बैठकमा समसामयिक राजनीतिक विषय, आगामी कार्ययोजना, जारी आन्दोलनलाई कसरी प्रभावकारी बनाउनेलगायत विषयमा छलफल हुने कार्यवाहक प्रवक्ता मनिष झाले जानकारी दिए । बैठकमा पछिल्लो समयको राजनीतिक परिदृश्य, आर्थिक संकट तथा नागरिकहरूमा देखिएको असन्तुष्टिलाई सम्बोधन गर्ने उपाय र पार्टीको भूमिका लगायतका मुद्दामा गम्भीर बहस र निर्णय हुन सक्ने आँकलन गरिएको छ ।

पार्टी सभापति रवि लामिछाने पक्राउ परेपछि पोखरामा आन्दोलन गरेको रास्वापाले शुक्रबारदेखि काठमाडौंमा आन्दोलन सुरु गरेको छ । सहकारीको रकम अपचलन गरेको आरोपमा गत शुक्रबार पक्राउ परेका रवि प्रहरी अनुसन्धानका लागि कास्की प्रहरीको हिरासतमा छन् ।