काठमाडौं । आर्सनल प्रिमियर लिगको शीर्ष स्थानमा उक्लेको छ । गएराति भएको खेलमा लुटन टाउनलाई २–० ले पराजित गर्दै आर्सनल शीर्ष स्थानमा उक्लेको हो ।
आर्सनलले ३० खेलबाट ६८ अंक जोडेको छ जुन लिभरपुल र म्यानचेष्टर सिटीको भन्दा एक अंकले बढी हो ।
घरेलु मैदान एमिरेट्स स्टेडियममा भएको खेलमा आर्सनलका लागि कप्तान मार्टिन ओडेगार्डले २४औं मिनेटमा गोल गरेका थिए ।
यस्तै लुटनका दाइकी हाशिओकाले ४४औं मिनेटमा आत्मघाती गोल गर्दा आर्सनलले अग्रता दोब्बर बनाएको थियो । दोस्रो हाफमा भने दुवैतर्फबाट गोल भएन ।
अर्को खेलमा फिल फोडेनले ह्याट्रिक गरेपछि म्यानचेष्टर सिटीले प्रिमियर लिगमा एस्टन भिल्लालाई ४–१ ले पराजित गरेको छ ।
घरेलु मैदान एतिहाड स्टेडियममा भएको खेलमा फोडेनले पहिलो हाफको इन्जुरी टाइम ६२ औं र ६९ औं मिनेटमा गोल गरे । त्यसअघि रोड्रीले ११ औं मिनेटमा गोल गर्दै सिटीलाई अग्रता दिलाएका थिए ।
जोन डुरानले २० औं मिनेटमा एस्टन भिल्लाका लागि बराबरी गोल फर्काएका थिए । तर त्यसपछि फोडेनले ह्याट्रिक गर्दै सिटीलाई जित दिलाएका हुन् ।
जितपछि सिटीले ३० खेलबाट लिभरपुल समान ६७ अंक जोडेको छ । तर गोल अन्तरमा पछि पर्दै तेस्रो स्थानमा छ ।
