पुष्कर खड्का
रामेछाप । रामेछापको दोरम्बा शैलुङ गाउँपालिका अध्यक्ष मैनकुमार मोक्तानले आफू चढ्दै आएको गाउँपालिकाको प्रदेश ३–०१, ००२ झ ५१०६ नं को गाडी सिक्ने क्रममा दुर्घटना भएको थियो ।
सोही दुर्घटना भएको गाडी गाउँपालिकाकै बजेटबाट मर्मतको लागी ५ लाख ५६ हजार ६ सय ३ रुपैँया खर्च गरिएको छ । नेकपा माओवादी केन्द्रबाट निर्वाचित गाउँपालिका अध्यक्ष मोक्तानले शक्तिको दुरुपयोग गर्दै आफू चढ्दै आएको
पालिकाको गाडी सवारी चालक अनुमति पत्र नै नभैकन गाउँपालिका अध्यक्ष मोक्तानले सिक्ने क्रममा दुर्घटना भएको हो ।
गाउँपालिकाले गाडी चलाउन सरकारी खर्चमा ड्राइभर राखेको छ । मोक्तानले सिक्ने क्रममा गाउँपालिका कार्यालयबाट स्वास्थ्य चौकी टोकरपुर पुर्याएर त्यहाँबाट गाउँपालिका कार्यालयमा ल्याई पुन निकाल्ने क्रममा दुर्घटना भएको थियो । दुर्घटनामा गाडीको अगाडिको भागमा क्षति पुगेको थियो ।
अध्यक्षले चलाउँदा गाडीमा क्षति भएपछि सामाजिक सञ्जालमा अध्यक्षको आलोचना भएको थियो । स्थानीयले गाडी मर्मत खर्च गाउँपालिका अध्यक्षले व्यक्तिगत रूपमा तिर्नुपर्ने माग राख्दै आएका थिए । उक्त गाडी मर्मतको लागि गाउँपालिकाको कोषबाटै गाउँ कार्यपालिका बैठकले सो गाडी मर्मत गर्दा आएको ५ लाख ५६ हजार ६ सय ३ रुपैँयाको बिल भुक्तानी गर्ने निर्णय गरेको छ ।
