काठमाडौ । प्यालेस्टाइनी विद्रोही समुह हमासले इजरायलमाथि आक्रमण गरेको दुई महिना पुगेको छ । आफनो देशमा गरेको आक्रमणको बदलामा इजरायलले पनि गाजापट्टीमा कारवाही तीब्र पारेको छ । द्वन्द्वमा मारिेनेमा ६० प्रतिशत महिला र बालबालिका रहेका छन् ।
नौ वर्षीया प्यालेस्टाइनी बालिका ताल अल अमासीले इजरायलीमा आक्रमणमा आफु मारिएमा शव पहिचान गर्न सजिलो होस भनी हातमा आफनो नाम लेखेको दृश्यले सबैको ध्यान केन्द्रित गरेको छ । गाजापट्टीमा जव इजरायलले प्रतिआक्रमण ग¥यो तब बालबालिकाको जिउने अधिकार मात्र हनन भएन डर र त्रासमा दिनरात गुजार्न बाध्य भएका छन् । गाजामा जव गोला बारुदको आवाज सुनिन्छ तव उनीहरु त्रसित हुन्छन् ।
त्यतिमात्रै कहाँ हो र आफनै सामुन्ने आफना अभिभावक गुमाउँदाको पीडा कल्पना भन्दा बाहिरको क्षण बनेको छ उनीहरुका लागि । गाजामाथि इजरायलले् गरेको हवाइ र स्थलगत आक्रमणमा घाइते भएकामध्ये ६० प्रतिशत बालबालिका रहेका छन् । आक्रमणमा परेर रगतमा लतपतिएका घाइते बालबालिकालाई सम्झाउनु अनि भग्नावेशषमा पुरिएका अवस्थामा भेटिएका बालबालिकाका शव बुझ्दाका कारुणिक दृश्यले कसको मन पोल्दैन र ? यस्तै तीन वर्षीय बालकलाई पुरिएको भग्नावशेषबाट निकालेर उनको परिवार सामु पु¥याउँदाको दृश्य हृदयविदारक छ ।
गाजामा जारी आक्रमणका कारण गाजा मसानघाट जस्तै बनेको र दिन प्रतिदिन बालबालिका मारिने गरेको संयुक्त राष्ट्रसंघका महासचिव एन्टिनो गुटरेसले बताउनु भएको छ ।
विश्व स्वास्थ्य संगठन डब्ल्युएचओका अनुसार गाजामा दैनिक १ सय ६० बालबालिकाको मृत्यु हुने गरेको छ भने दुई महिनाको अवधिमा १४ सय बालबालिका बेपत्ता भएका छन् । आक्रमणका कारण गाजाका ७० प्रतिशत घरहरु भग्नावशेषमा परिणत भएका छन् । त्यसक्रममा बालबालिका हुन् वा महिला, वृद्धवृद्धा वा युवाहरु नै किन नहुन् भग्नावशेषमा च्यापिएका उनीहरुको जिउँदै उद्धार गर्ने प्रयास जारी राख्दै हार गुहार गर्ने गरेका कारुणिक दृश्य दिनहुँ देखिने गरेका छन् ।
यस्तो निर्मम श्रृंखला कहिलेसम्म ? यसको राजनीतिक जोडघटाउ जे भएपनि र दोषी जुन पक्ष भएपनि यसको अन्त्य अपरिहार्य छ । युद्ध शुरु भएको दुई महिना भइसक्दा पनि युद्ध रोकिने कुनै लक्षण नदेखिएको आजको स्थितिमा संयुक्त राष्टसंघ र बाँकी विश्वले गम्भीर पहल गर्न जरुरी छ ।
