पोखरा । प्रदेश सभाको दोस्रो चुनावपछि गण्डकी प्रदेशमा दुई पटक सरकार परिवर्तन भइसक्यो। प्रदेश सभाका निर्वाचित जनप्रतिनिधिले एक वर्षे कार्यकालय पूरा गर्न अझैं केही महिना बाँकी छ।
तर, गण्डकी प्रदेशका पूर्वमुख्यमन्त्री कृष्णचन्द्र नेपाली पोखरेलले सरकारी सवारी र चालक फिर्ता गरेका छैनन्। मुख्यमन्त्री हुँदा प्रयोग गर्दै आएको (ग १ झ ६०१) सवारी र चालक ५ महिना बितिसक्दा पनि फिर्ता नगरेको मुख्यमन्त्री तथा मन्त्रिपरिषद्को कार्यालय गण्डकीले जनाएको छ।
पूर्वमुख्यमन्त्री पोखरेलले ५ महिना बितिसक्दा पनि सवारी र चालक फिर्ता गरेका छैनन्। मुख्यमन्त्री कार्यालयका स्टोर प्रमुख तोयनाथ आचार्यले गाडी फिर्ता गर्नका लागि मौखिक जवाफ पठाए पनि लिखित जवाफ नमागिएको बताए।
सवारी चालक पनि मुख्यमन्त्री कार्यालयका कर्मचारी हुन् । चालकलाई मुख्यमन्त्री कार्यालयबाटै सेवासुविधा प्रदान गर्दै आएको छ। पोखरेल गएको पुस २५ गते पदमुक्त भएका थिए ।
