एजेन्सी । ब्रिटिस ब्रोडकास्टिङ कर्पोरेसन (बीबीसी) का अध्यक्ष रिचर्ड शार्पले शुक्रबार राजीनामा दिनुभएको छ ।
तत्कालीन बेलायती प्रधानमन्त्री बोरिस जोनसनका लागि करिब १० लाख अमेरिकी डलर ऋणको व्यवस्था गर्न सहयोग गरेको खुलासा भएकाे हाे । त्यस पश्चात अध्यक्ष शार्पले शुक्रबार राजीनामा दिनुभएको हो ।
सार्वजनिक प्रसारकको निर्देशक नियुक्त हुनुअघि नै ऋण लिइएको हुनाले अध्यक्ष शार्पले यस व्यवस्थामा संलग्नता र स्वार्थको द्वन्द्वको सम्भावनालाई अस्वीकार गर्नुभएको थियो ।
सन् २०२१ मा तत्कालीन प्रधानमन्त्री जोनसनले शार्पको नाम सार्वजनिक गर्नुभन्दा केही हप्ता अघि प्रधानमन्त्री जोनसनले ऋण लिने प्रयास गर्दा मध्यस्थकर्ताको रूपमा काम गरेको खुलासा भएपछि अध्यक्ष शार्पखाई राजीनामा दिन दवाव परेको थियो ।
गत फेब्रुअरीमा अध्यक्ष शार्पले आफूले ऋणको व्यवस्था नगरेको दावी गर्नुभएको थियो ।
