काठमाडौं । एसीसी प्रिमियर कपको पहिलो सेमिफाइनल खेलमा शनिबार नेपालले कुवेतसँग खेल्दैछ ।
समूह ए को विजेता नेपाल र समूह बी को उपजिजेता कुवेत पहिलो सेमिफाइनल खेलमा भिड्न लागेका हुन् । नेपाल र कुवेतबीचको खेल बिहान ९ बजे कीर्तिपुरस्थित टियु क्रिकेट मैदानमा हुनेछ ।
नेपाल र कुवेतबीच अहिलेसम्म तीन खेल भएको छ । जसमा नेपालले दुई तथा कुवेतले एक जित हात पारेको छ ।
यो खेल जित्दै फाइनल यात्रा तय गर्ने दुबै टिमको तयारी हुनेछ । तर, पछिल्लो समय राम्रो लयमा रहेको नेपालविरुद्ध जित निकाल्न कुवेतलाई सहज भने हुने छैन् ।
ब्याटिङमा समस्या झेल्दै आएको नेपाल नयाँ प्रशिक्षक मोन्टी देशाईको आगमनसँगै उत्कृष्ट ब्याटिङ गर्दै आएको छ । कुवेतमाथि जित निकाल्दै एशिया कपमा भारत र पाकिस्तानसँग खेल्ने योजनामा हुनेछ ।
शबार नै हुने अर्को सेमिफाइनलमा ओमान र यूएई खेल्नेछन् । यी दुई टिमको खेल मुलपानी क्रिकेट मैदानमा हुनेछ । ओमान समूह एको उपविजेता हो भने यूएई समूह बीको विजेता बनेको थियो । यो खेल पनि बिहान ९ बजेदेखि सुरू हुनेछ ।
