काठमाडौं । प्रतिनिधिसभा सदस्य उपनिर्वाचन अन्तर्गत तनहुँ क्षेत्र नं १ को जारी मतगणनामा राष्ट्रिय स्वतन्त्र पार्टी (रास्वपा) का उम्मेदवार स्वर्णिम वाग्लेको अग्रता कायमै रहेको छ ।
आइतबार सम्पन्न भएको मतदानको आइतबार रातिबाटै मतगणना शुरु भएको हो । पछिल्लो मत परिणाम अनुसार वाग्लेले १९ हजार ३४९ मत प्राप्त गर्नुभएको छ । त्यसैगरी वाग्लेलाई पछ्याइरहनु भएका नेपाली कांग्रेसका गोविन्द भट्टराईले ११ हजार २७९ मत प्राप्त गर्नुभएको छ ।
भट्टराई र वाग्लेबीचको मतान्तर ८ हजार ७० रहेको छ । त्यस्तै तेस्रो स्थानमा रहनु भएका एमाले उम्मेदवार सर्वेन्द्र खनालले ६ हजार १५१ मत प्राप्त गर्नुभएको छ ।
