काठमाडाैं । प्रतिनिधिसभा सदस्य उपनिर्वाचनअन्तर्गत तनहुँ क्षेत्र नम्बर १ को मतगणनाका लागि सर्वदलीय बैठक बसिरहेको छ।
जिल्ला समन्वय समितिमा जारी सर्वदलीय बैठकपछि आजै मतगणना सुरु गर्ने वा भोलिबाट गर्ने भन्ने निर्णय हुनेछ ।
सर्वदलीय बैठकअघि सबै मतदान केन्द्रबाट मतपेटिका संकलन भइसकेको छ । संकलित मतपेटिकाहरूलाई जिल्ला समन्वय समितिमा राखिएको छ ।
तनहुँ क्षेत्र नम्बर १ बाट प्रतिनिधिसभा सदस्यमा रामचन्द्र पौडेल राष्ट्रपतिमा निर्वाचित हुनुभएपछि रिक्त ठाउँमा उपनिर्वाचन गरिएको हो ।
उपनिर्वाचनका लागि नेपाली काङ्ग्रेसबाट गोविन्द भट्टराई, नेकपा एमालेबाट सर्वेन्द्र खनाल, राष्ट्रिय स्वतन्त्र पार्टीबाट डा .स्वर्णिम वाग्ले, राप्रपाबाट शोभा गुरुङ, नेपाल मजदुर किसान पार्टीबाट रामप्रसाद प्रजापति, राष्ट्रिय जनमुक्ति पार्टीबाट पूर्णबहादुर राना, मङ्गोल नेशनल अर्गनाइजेशनबाट प्रेमबहादुर थापा, नेकपा समाजवादीबाट गणेश श्रेष्ठ, नागरिक उन्मुक्ति पार्टीबाट भीमबहादुर सुनार चुनावी मैदानमा हुनुहुन्छ ।
