काठमाडौँ । सत्ता गठबन्धनका तर्फबाट नेपाली कांग्रेसका उम्मेदवार गोविन्द भट्टराईलाई भोट माग्न ३ पूर्वप्रधानमन्त्रीसहित वबालवाला प्रधानमन्त्री पुष्पकमल दाहाल “प्रचण्ड”यतिबेला तनहुँ पुगेका छन् ।
१० वैशाखमा हुन लागेको प्रतिनिधि सभा सदस्यको उपनिर्वाचनमा गठबन्धनका उम्मेदवार भट्टराईलाई जिताउन यतिबेला गठबन्धनका शीर्ष नेताहरु तनहुँमा केन्द्रीत भएका छन् ।
नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीका स्थानीय कमिटिहरुले संयुक्त रुपमा आयोजना गरेको विशाल चुनावी कोण सभालाई सम्बोधन गर्दै भट्टराईको पक्षमा भोट माग्न उनीहरु तनहुँ पुगेका हुन् ।
भोट माग्न जानेहरुमा प्रधानमन्त्री समेत रहेका माओवादी केन्द्रका अध्यक्ष दाहालसहित पूर्वप्रधानमन्त्रीसमेत रहेका नेपाली कांग्रेसका सभापति शेरबहादुर देउवा, नेकपा एकीकृत समाजबादीका अध्यक्ष माधवकुमार नेपाल र नेपाल समाजवादी पार्टीका अध्यक्ष बाबुराम भट्टराई रहेका छन् ।
