काठमाडौँ । चितवनको साढे दुइतले घरको छतबाट खसेर गम्भीर भएका राष्ट्रिय स्वतन्त्र पार्टी रास्वपा”का सभापति रवि लामिछानेका निजि सवारी चालकको अवस्था अझै स्थिर नै छ । चितवनको भरतपुर-११ मा रहेको एक घरको छतमा सुतेका सिन्धुपाल्चोक बाह्रबिसेका ३९ वर्षीय शम्भु भनिने दिलबहादुर थापा सोमबार बिहान खसेका थिए ।
उनको उपचार पुरानो मेडिकल कलेजमा भइरहेको छ । थापालाई भेन्टिलेटरमा राखेरै उपचार गरिएको उपचारमा संलग्न चिकित्सक डा. सुदीपराज केसीले जानकारी दिएका छन् । ‘उहाँ अझै पनि होसमा आउन सक्नुभएको छैन’, मेडिकल कलेजका उपनिर्देशकसमेत रहेका डा. केसीले भनेका छन् अहिले नै केही भनिहाल्न सक्ने अवस्था छैन ।”
उनकाअनुसार अवस्था क्रिटिकल नै छ । थापाको खुट्टा र टाउकोमा गम्भीर चोट लागेका थापाको टाउकाको शल्यक्रिया गरिएको छ । यो घटनापछि राष्ट्रिय स्वतन्त्र पार्टी “रास्वपा” महामन्त्री तथा प्रवक्ता मुकुल ढकालका सवारी चालकलाई पनि प्रहरीले पक्राउ गरेर बयान लिइसकेको जानकारी दिएको छ ।
