काठमाडौं । नेपाल प्रहरी नायव महानिरीक्षक (डीआईजी) को रिक्त संख्या १३ मा बढुवा सिफारिस भएको छ ।
बुधबार बसेको बढुवा समिति बैठकले बढुवा गर्न सिफारिस गरेको हो ।
डीआईजी बढुवाका लागि कुवेर कडायत पहिलो नम्बरमा सिफारिस हुँदा केदार ढकाल दोस्रो र विष्णुकुमार केसी तेस्रो नम्बरमा सिफारिस हुनुभएको छ ।
यस्तै भरतबहादुर बोहरा, रवीन्द्र केसी, राजेशनाथ बास्तोला, चन्द्र कुबेर खापुङ, जनक भट्टराई, लालमणि आचार्य, सुरेन्द्रप्रसाद मैनाली, अर्जुन चन्द ठकुरी बढुवाका लागि सिफारिस हुनुभएको छ । यज्ञविनोद पोखरेल र विकासराज खनाल बढुवाका लागि सिफारिस गरिएको छ ।
२०५१ सालमा प्रहरी निरीक्षकमा भर्ना भएका र सोही विज्ञापनका वैकल्पिकहरु डीआईजी सिफारिस भएको बताइएको छ ।
