काठमाडौं । राष्ट्रिय स्वतन्त्र पार्टी रास्वपा”का सांसद डा. ढाकाकुमार श्रेष्ठमाथि अख्तियार दुरुपयोग अनुसन्धान आयोगले पनि अनुसन्धान सुरू गरेको छ ।
सञ्चारमाध्यमबाट सार्वजनिक भएको अडियोको आधारमा अख्तियारले सांसद श्रेष्ठमाथि अनुसन्धान सुरू गरेको हो ।
अख्तियारका प्रवक्ता भोला दाहालले सांसद श्रेष्ठमाथि अनुसन्धान सुरू गरिएको जानकारी दिनु भएको छ ।
राष्ट्रिय स्वतन्त्र पार्टी रास्वपाका ” सांसद श्रेष्ठले मेडिकल व्यवसायी दुर्गा प्रसाईंसँग २ करोड मागेको अडियो विभिन्न सञ्चार माध्यमबाट सार्वजनिक भएको थियो । उक्त अडियोमा श्रेष्ठले स्वास्थ्य मन्त्री आफ्नो पार्टीले पाउन लागेको र आफू मन्त्री बन्न लागेको भन्दै मेडिकल व्यवसायी प्रसाईंसँग २ करोड मागेको सुनिन्छ ।
अख्तियारले सार्वजनिक सञ्चार माध्यमले सार्वजनिक गरेका तथ्यहरुलाई पनि प्रारम्भिक उजुरीको मान्यता दिने गरेको छ । त्यही अनुसार २ करोड रूपैयाँ माग गरेको विषयमा अनुसन्धान सुरू गरेको जानकारी प्रबक्ता दाहालले दिनु भएको हो ।
