काठमाडौँ । राष्ट्रिय स्वतन्त्र पार्टीका सांसद ढाका प्रसाद श्रेष्ठले गरेको भ्रष्टाचारको अडियो बाहिरिएपछि “राष्ट्रिय स्वतन्त्र पार्टीका रास्वपा” सभापति रवी लामिछानेले ७२ घण्टाभित्र कारबाही गर्ने बताएका छन् ।
सार्वजनिक हुने वित्तिकै मैले पार्टी पंक्तिलाई निर्देशन दिएको छु, कि ७२ घण्टाभित्र छानविन गरेर कारबाही अगाडि बढाउनु भनेर अल्टिमेटम दिएको छु,उनले भनेका छन् , ‘यो देशका भ्रष्टाचारका काण्डहरु ७२ वर्षदेखि अल्झिएका होलान् मलाई मतलव छैन । तर हाम्रो पार्टीभित्र प्रश्न उठेपछि प्रश्नको निराकरण हुन्छ ।
रबि लामिछानेले ७२ घण्टा भित्र छानविन नहुँदासम्म सांसदको रुपमा वा साधारण सदस्यका रुपमा पनि ढाका प्रसाद श्रेष्ठलाई कुनै कार्यक्रममा सहभागी हुन नदिने उनको प्रष्टीकरण रहेको छ ।
पार्टीको अनुशासन समितिले २४ घण्टे प्रष्टीकरण सोधेको पनि प्रेस बिज्ञप्ति मार्फत जानकारी दिएको छ ।
“सत्यतथ्य छानविन गरेर कारबाही गर्न सकिन भने मलाई यही गढीमाईमा सजाय दिनुहोला, चुनावी प्रचारको क्रममा उनले भने, “अडियोमा मेरा वरपरका मान्छेले मागेका भनेका छन् । ती वरपरका माग्ने मेरा मान्छे को रहेछन्, तीनलाई तपाईंको आँगनमा सडकमा घिसारेर ल्याउन सकिनछु भने फेरि गढीमाईमा सजाय दिनुहोला ।”
रबि लामिछानेले कारबाहीको काउण्टडाउन सुरु भएको र घडी हेरेर बस्न पनि सबैलाई भनेका छन् ।
‘घडी हेर्दै गर्नुहोला, काउण्टडाउन गर्नुहोला । हामी यसको छिनोफानो गर्नेछौँ, कसैले पनि सहुलियत पाउने छैन । हामीले पार्टीभित्रै अनुशासन समितिलाई निर्देशन दिइसकेका छौँ, अघि भने, ‘२४ घण्टे स्पष्टीकरण सोधेका छौँ । हाम्रा परिवार र वरिपरिका साथीहरुलाई पनि छुट हुने छैन ।
