काठमाडाैं । अघिल्लो वर्षभन्दा मानव बेचबिखन तथा ओसारपसार वृद्धि भएको छ । प्रहरीले उपलब्ध गराएको तथ्यांकअनुसार गत आर्थिक वर्षभन्दा वर्षको फागुनसम्म मानव बेचबिखन तथा ओसारपसार अपराध बढेको हो । तथ्यांकअनुसार गत आर्थिक वर्ष २०७८/०७९ मा मात्र नेपालभर १४५ वटा मुद्दा दर्ता भएका थिए । त्यस्तै पीडित संख्या हेर्ने हो भने महिला ११८ र पुरुष ११ गरि १२९ रहेको छ । अभियुक्त भने पुरुष १२५ र महिला ७२ जना गरी १९७ छन । अपराधमा संलग्न ८२ जना पुरुष र ४४ जना महिला गरि १२६ जना पक्राउ परेका छन । जसमा ४३ पुरुष र२८ महिला फरार रहेका छन ।
त्यसैगरी चालू आर्थिक बर्ष २९७९/०८० मा मुद्दा दर्ता ९१ पीडित पुरुष ११ र महिला ११८ गरी १२९ जना पीडित रहेका छन् । अभियुक्तमध्ये १२५ पुरुष र ७२ जना महिला गरी १९७ जना रहेका छ्न भने त्यस मध्य ४३ पुरुष र २८ महिला गरी ७१ जना फरार छन् । नेपाल प्रहरीको मानव बेचबिखन अनुसन्धान ब्यूरोका प्रमुख जीवनकुमार श्रेष्ठका अनुसार गत आर्थिक बर्ष भन्दा चालू आर्थिक बर्षमा मानव बेचबिखन तथा ओसारपसार अपराध बढेको छ ।
ब्यूरोका प्रमुख श्रेष्ठ अनुसार यसरी बेचबिखनमा परेका युवा युवतीलाई एक समूहले आकर्षक कामको प्रलोभन देखाएर बिदेश पु¥याएर बेचबिखन गरेर अलपत्र पार्ने गरेको बताउनु हुन्छ । यस्तो आपराधिक कृयाकलापबाट पीडित हुनेहरुमा अधिकांस किशोरकिशोरीदेखि ४० वर्ष उमेर समुहका छन् ।
वर्किङ्ग भिसामा खाडी मुलुक जान सरकार्ले रोक लगाएको भए पनि यस्ता गिरोहले अधिकास युवा युवतीलाई भिजिट भिसामा खाडी मुलुक पुर्याउने गरेको र यसरी गएर काम गर्दै आएका धेरै महिलालाई उद्दार गरी नेपाल फर्काएको ब्यूरोको दावी छ । ब्युरो टोलीले मात्र २०७६ सालदेखि हाल सम्ममा २३९ महिला, १९४ जना पुरुष, १२ जना बालिका र १७ जना बालक गरी ४८४ जनालाई उद्दार गरिसकेको जनाएकको छ । यस्तो जघन्य अपराध रोकथामको लागि मानव बेचबिखन तथा ओसापसर नियन्त्रण ब्युरोले समय समयमा स्थानीय जनसमुदायसँग मिलेर जनचेतना मुलक कार्यक्रमको आयोजना गर्दै आएको प्रहरीको भनाइ छ ।
