काठमाडौँ। पछिल्लो २४ घण्टामा थप ८४ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार विहीबार १ हजार ४०२ नमूनामध्ये २७२ पीसीआर परीक्षण गर्दा ६३ जना र १ हजार १३० जनाको एन्टीजेन परीक्षण गर्दा २२ जना गरी ८४ जनामा कोरोना संक्रमण पुष्टि भएको हो ।
यस्तै कोरोनाको सक्रिय संक्रमितको संख्या ३५८ जना पुगेको छ। काठमाडौं उपत्यकामा १९ जना कोरोना संक्रमित देखा परेका छन् ।
मन्त्रालयका अनुसार हाल संस्थागत आइशोलेशनमा १७ जना छन् भने आईसीयूमा ४ जना र भेन्टिलेटरमा एकजना कोरोनाका विरामी रहेका छन् ।
यस्तै २७ जना कोरोना संक्रमणमुक्त भएर घर फर्किएका छन् । यसअघि बुधबार मात्रै ९८ जनामा कोरोना संक्रमण देखिएको थियो ।
