काठमाडौँ । प्रतिनिधि सभा सदस्यको उपनिर्वाचनका लागि ३ स्थानमा सोमबार उम्मेदवारको मनोनयन दर्ता हुने भएको छ । निर्वाचन आयोगले सार्वजनिक गरेको निर्वाचन कार्यक्रम अनुसार १० वैशाखमा हुने उपनिर्वाचनका लागि सोमबार उम्मेदवारी दर्ता हुने भएको हो ।
तनहुँ १, चितवन २ र बारा २ मा हुने उपनिर्वाचनका लागि सोमबार उम्मेदवारी दर्ता गरिने कार्यक्रम रहेको छ ।
दर्ता भएका राजनीतिक दलका तर्फबाट र स्वतन्त्र उम्मेदवारले सम्बन्धित मुख्य निर्वाचन अधिकृतको कार्यालयमा उम्मेदवारको मनोनयनपत्र दर्ता गर्नुपर्ने छ ।
यसका लागि आयोगले शनिबार नै मुख्य निर्वाचन अधिकृतको कार्यालय स्थापना गरिसकेको छ ।
४ मंसिरको निर्वाचनमा तनहुँ १ बाट निर्वाचित सांसद रामचन्ँद्र पौडेल राष्ट्रपति बेनको, बारा २ का सांसद रामसहायप्रसाद यादव उपराष्ट्रपति बनेको र चितवन २ का सांसद रविको नागरिकता विवाद मुद्दामा सांसद पद खारेज भएपछि अहिले यी क्षेत्रमा उपनिर्वाचन हुन लागेको हो ।
